يا بلادي راني عليك غير غيران
وعلى حوالك راني غي نخمم
...
وردة عزيزة ماشي كي البلدان
سبحان ربي العالي هو لي يڤسم
...
الخير ياسر ونص الناس ڤاع جيعان
سرقوا بلادي وخلو لمساكين فالهم
...
نحكي ليومَ ليكم على هاذ لمكان
دوار الحڤارة من غير ما نعمم
...
و يسْتهَلْ السلطة غير فلان وفلان
ما بقاتنا نية كي رجع ذاك يحكم
...
خلا الكوري وجانا جاي عجلان
جاهل من بكري ما قرى وتعلم
...
ما فهمنا هاذ المسؤول صاحي ولا سكران
ولا عمى وطرش وعمروا ما تكلم
...
وذاك المجلس مملي غير خيان
ملي حكمنا راه كلشي تهدم
...
خونوا الكفة والعْبَر وهملوا الميزان
وطغا الباطل ما قعدش شكون يحشم
...
مين جات المشتى راحوا جبدوا الفيسان
شي يحفر من وشي ملهيه يردم
...
ردوا الطريڤ غير شعابي و وديان
ذا زيڤوا يفرفر وذاك روڤار يرْجم
...
تعاندو على الكرسي لزڤوا كي الذبان
طامعين فالشكارة مكانش لي يخدم
...
ضّحكوا علينا الخلقى وشَفّاو لعيان
أمّي يسيّر والشعب كلوا ملجّم
...
تبقى على خير دواري عليك لمان
نهار لي يهجروك راني نجي نسلم
...
ولا نزيد نسالك على حقي لي ما بان
بركاني من الطعمة راني غير نحلم
السبت يوليو 25, 2015 5:41 pm من طرف 
اليومية
موضوع: البلدية 
