بنات بكري وبنات اليوم

بنات بكري وبنات اليوم

يحياو عجايز بكري الي الي عاشو بالجبات ما عرفوش الحفافة ودارو غير ظفيرات
واحنايا بنات اليوم الي نحوسو على الحطات وعلى حاجة ماكانش نعشو في الحفافات
يحياو عجايز بكري الي ينوضو على البكرى وعلى التسعة تلقاهم يطيبو في الكسرى
واحنايا بنات اليوم الي نحوسو على السهره نرقدو حتى نخمرو ونوضو على العشرة
يحياو عجايز بكري الي عاشو بالتخمام ما يشوفوش اماليهم من غير مرة في العام
واحنايا بنات اليوم نحكمو بيديـــــــــــنا وعلى حاجة ماكانش نروحو لماليــــنا
وطياب عجايز بكري الي يطيبو بدشيشة وتجي حلوة كالعسل بلا ما يديرو حشيشة
وطياب بنات اليوم الي يحوسو غير على الزواج كي ماتجيهمش بنينة يقولو ماكانش لجاج
يحياو عجايز بكري ما عرفوش التشراط لبسو غير لبليغة وما لبسوش الصباط
واحنايا بنات اليوم الي نعيشو بالتشراط و كل لبسة نشروها لازملها صباط
يحياو عجايز بكري يطيبو الكسرى على النار ما عرفوش الخرجة غير من الساحة للدار
واحنايا بنات اليوم ما نحملوش النار كي نخرجو نصيبو ما نرجعوش للدار
ما هدرو عجايز بكري الي عاشو بالمطراق الي ما تعرفش تعجن في شهرها تطلق
نهدرو بنات اليوم الي يحوسو غير على العرس ما نعرفوش نعجنو ونجيبو غير الخبز
يحياو عجايز بكري الي عندهم الكلمة مالقاوش جواز وجوزو الكسرى بالماء
واحنايا بنات اليوم نفطرو على الحلبة ونجوزو بالسلايط ونزيدو بالشربة