الدايرة

يا ويلي من هذا الحال المشكوف
لي دهشني وما لڨيت واش نحكي
.................
وين لبغال تاكل والخيل تشوف
والرجال تبني والرعاين تڨول ملكي
...................
وقصدي راه ليوم واضح ومعروف
وعلى الدايرة عندي ما نڨول ونشكي
................
غير زريبة حشاكم وحاكمها حلوف
وغير منها يخوَن ومنها يزكّي
................
شاب الراس واللسان باقي مرجوف
لاهي مع الدنيا وجامي يڨول بركي
..................
لي يخاف ربي محڨور ومحلوف
ويستاهل غير الشيات وغير الحركي
..................
دَايرة يسيرها سكارجي ومعيوف
كلشي بالمڨلوب في بلاد ميكي
....................
وباه تدي سكنة لازملك مصروف
وكتاف صحاح وليا لحڨك التْمَركي
.....................
ربوا الدوارة والڨرڨور من لحم الخروف
وشراو المعريفة مع البوليسي والدركي
.....................
الكذب والنفاق والجيب مدلّي ومرخوف
هذا يخوَن منْ وذاك ملهيه يطرافيكي
......................
الزولي يسمح كل يوم يجري ويطوف
ومول لكتاف يلقى كلشي مستيكي

......................
هاذ الناس من ربي ما عندها خوف
ودستورهم حك تربح يا مول التيكي



الفيديو هنا
https://scontent-a-cdg.xx.fbcdn.net/hvideo-xpa1/v/t42.1790-2/10910139_926942423992392_1468651736_n.mp4?rl=300&vabr=67&oh=5a7e01f9d3134c2acf9ade5960df88a4&oe=54B90522