الجهـــال و الكافية كلها فاقـــت

السلام عليكم و رحمة الله تعالى و بركاته

منقولة أعجبتني و للأسف لا أعرف صاحبها

طاقت الدراهــــــم من كان ساكت

وشبعــــــــت من كان بكـــــــــري جيعــــان
الجهـــال و الكافية كلها فاقـــت

و الجيب اللي كان فارغ ، بالحرام أصبح مليان
الوقت بدال يا خوتي و الدنيا أصماطت

ولد الفكرون عاد إسوقْ في البقرة و النيســان
هاذي هذه الفانية علينا جـــارت

قلابت لحوال يا غافــــــــــــــــــــل ما فيها آمان
شوفو السبوعه في الغابة جاعــــت

ولكلاب تاكل في المشوي و لحم الضـــــان

الدنيا كـــي لحقــــت ليا دارت

شوف قدرة المنتدى و الزمان الخــــــــــــــوان
أتسـوم معـــزة تلقاها أتباعت

ما يصح لأبو رمزي غير الكرشة و المصــــران
كلشي يتوزن بالمال ، لقلوب أقساحت

الغني ما هو داري بالفقيــــر التعبــــــان
الخيمة هجروها قالـــــــــو أقدامـــــت

سكنو الفيلا طلعوها في رمشة لعيـــــان
لفريك دغلوه والحنة في اليد أصفارت

و خبــز الدقيق ناقص في الميـــــــــزان

لعسل الحربنـَتْ ريحتو من الدار زالت

و المرقارين الفايحة خلطوها صبحت دهان
الفضة الصافية ولتْ أنحاس وماسامت

و البلاكيور الرخيس عاد عندو الشــــــان
عكســـــــــــــت لقدار احلامها أبسَالتْ

لبهيم أرجع أغزال بلقب ســـــــي فلان
ناس جهلت دارت جنحين وطارت

بالدراهم قرودة كسبت كات كات و الميـقان
ما تسرج ما تلجم البردعة ألاحـــت

أمعاشر الصيودة ولــــــــى عرة الفرسان

لي عندو المال يعبدون،العقول ليه مالت

حتى لـــــــــو كان دلو فرغــــــــان
بالهــــف و اللــــف أكرايمو أخشانت

ولحرام أرجع بيه أحلال في هذا الزمان
هاذي هي الدنـيا أنيابها بانت

لمصبط ما هـــــــــــــــــــــــــــو داري بالحفيان
المال كذب عقال هاذي وين صـــــارت

وصدق جهال صبحو من أكبار لعيـان
طالــب طلاب وطلبة أجياحت

ما عادت اتفرق ما بين الزفت و القطـــــــــران

الحرة تهموها قالو خانـــــــــــت

و دليلة عادت تحكــم في القوم باسم السلطان
يا فانية مشعوذين في أركابكْ سارت

عكسو الآيــــــــــــــــــــــة و حرفو سور القرآن
قافلة راحلة أكلابها أتساقــــت

ما بقى غير الحلوف وخوه هاملين في لوطـــان
لقطوط لي كانت راهمة أسمــانت

إكثر خيـــــــر أخربْ الفيــــــــــــــــران
العادات و التقاليد و الأخلاق أنهارت

نعلبوّ لي يعيش تحت ظل ذل هذا الزمان